काठमाडौं । मंगलबार नेपाली बजारमा सुनको मूल्यमा भारि अंकले बढेर नयाँ रेकर्ड कायम गरेको छ । आज सुनको मूल्य प्रतितोला २ हजार ७०० रुपैयाँले र चाँदी तोलामा ७० रुपैयाँले बढेर ऐतिहासिक उचाई बनाएको हो ।
नेपाल सुनचाँदी व्यवसायी महासंघका अनुसार यस दिन छापावाल सुनको मूल्य प्रतितोला २ लाख ८४ हजार ७०० रुपैयाँ कायम भएको छ । सोमबार सुनको मूल्य प्रतितोला २ लाख ८२ हजार रुपैयाँमा कारोबार भएको थियो ।
आजको बजारमा चाँदी तोला ५ हजार ८८० रुपैयाँमा खरिद बिक्री भइरहेको छ । चाँदीको मूल्यले यस भन्दा पहिलेको ५ हजार ८१० रुपैयाँको रेकर्ड ब्रेक गर्दै नयाँ उचाई बनाएको हो ।
प्रतिक्रिया दिनुहोस्