काठमाडौं । शेरबहादुर देउवाले आफुलाई सभापति बनाउन र गगन थापालाई नदिने माग गर्दै सर्वोच्च अदालतमा दायर गरेको रिट निवेदनमा सर्वोच्च अदालतले अन्तरिम आदेश दिन अस्वीकार गरेको छ ।

दोस्रो महाधिवेशनबाट सभापति भएका गगन थापालाई मान्यता दिने निर्वाचन आयोगको निर्णय विरुद्ध परेको रिटमा सर्वोच्च अदालतले अन्तरिम आदेश दिन अस्वीकार गरेको हो ।

सर्वोच्च अदालतका न्यायाधीश सुनिलकुमार पोखरेलको एकल इजलासले आज अन्तरिम आदेश दिन अस्वीकार गरेको हो । योसँगै थापालाई कांग्रेसको सभापतिका रुपमा काम गर्न बाटो खुलेको छ ।
अहिलेसम्म थापा पार्टी कार्यालय प्रवेश गरेका थिएनन् ।

कांग्रेसका तत्कालीन कार्यवाहक सभापति पूर्णबहादुर खड्का र नेता शेबरहादुर देउवाले माघ ४ गते सर्वोच्च अदालतमा रिट दायर गरेका थिए । रिटमा कांग्रेस सभापति गगन थापा र उपसभापति विश्वप्रकाश शर्मालाई विपक्षी बनाइएको छ।

अन्तरिम आदेश दिने वा नदिने भन्ने छलफलका लागि सर्वोच्चले दुवै पक्षलाई छलफलका लागि बोलाएको छ।