काठमाडौँ । सर्वोच्च अदालतले धनुषा क्षेत्र नम्बर १ बाट रास्वपाका उम्मेदवार किशोरी साह कमलको रिटमा कारण देखाउ आदेश जारी गरेको छ ।
८ पटक कर्जा सूचना केन्द्रको कालो सुचीमा परेको भेटेपछि निर्वाचन आयोगले उम्मेदवारी खारेज गरेको थियो ।
आज सर्वोच्चले निर्वाचन आयोगका नाममा कारण देखाऊ आदेश जारी गरेको छ । अदालतका न्यायाधीश नृपध्वज निरौलाको एकल इजलासले कारण देखाउ आदेश जारी गरेको हो ।
साहले निर्वाचन आयोग समेतलाई विपक्षी बनाई दायर गरेको उत्प्रेषणको रिटमाथि अदालतले ७ दिनभित्र लिखित जवाफ पेस गर्न आदेश दिएको छ । आदेशमा भनिएको छ, ‘विपक्षी आयोगको मिति २०८२–११–१८ को निवेदकको उम्मेदवारी खारेज गर्ने सम्बन्धी निर्णय सहितको फाइल लिई आउनू भनी विपक्षीहरूलाई यथाशीघ्र जानकारी गराई नियमानुसार पेस गर्नू ।’
प्रतिक्रिया दिनुहोस्