एजेन्सी । भारतको सबैभन्दा ठूलो बजेट एयरलाइन इन्डिगोले महिलाहरुका लागि उडानका समयमा पुरुषको छेउमा सीट बुक गर्न नपर्ने सुविधा ल्याएको छ । यदि महिलाले पुरुषसँग बस्दिन भनेको अवस्थामा उनीहरुलाई त्यो सुविधा उपलब्ध गराइने जनाइएको छ ।
यो सुविधा एयरलाइन्सका लागि पहिलो पटक ल्याएको हो । यो सुविधा महिलाहरूलाई सीट चयन गर्दा विकल्पमा दिइनेछ । जसमा महिलाले पुरुषसँग बस्दिन भन्ने छनोट गर्न पाउनेछन् । तर, पुरुष यात्रुहरूले यो जानकारी देख्न नपाएको कम्पनीको भनाइ छ ।
इन्डिगोका यात्रुहरूलाई टिकट किन्ने क्रममा आफ्नो लिङ्गको पहिचान गर्नुपर्ने हुन्छ । जसले एयरलाइन्सलाई यी विवरणहरूको पहुँच नियन्त्रण गर्न मद्दत गर्छ ।
क्यारियरले मे महिनामा यो सेवा पाइलट आधारमा सुरू गरेको थियो । यो सबै उडानहरूमा उपलब्ध छ । तर वेबसाइट र मोबाइल एपमा भने यो सुविधा हालसम्म देखाइएको थिएन । यो सुविधाले कम्पनीले सकारात्मक प्रतिक्रिया प्राप्त गरेको जनाएको छ ।
“प्रविधिले अहिले केही कुरा सम्भव बनाइरहेको छ जुन अघिल्लो समयमा सम्भव थिएन । हामीले यो पहले परीक्षणको रूपमा ल्यायौं । यसले हाम्रा ग्राहकहरूसँग राम्रो प्रतिक्रिया दिएको छ, अन्तर्राष्ट्रिय रूपमा पनि राम्रो प्रतिक्रिया पाएका छौँ”, कम्पनीले भनेको छ ।
प्रतिक्रिया दिनुहोस्