काठमाडौं । नेपाली बजारमा सुनको मूल्यले आज पनि नयाँ रेकर्ड कायम गरेको छ । मंगलबार सुन तोलामा ३ सय रुपैयाँले बढेर १ लाख ६५ हजार ९ सय रुपैयाँ पुगेको हो । यो नेपाली बजारमा अहिलेसम्मकै उच्च मूल्य हो ।
आज सुनको मूल्यले अघिल्लो दिनको रेकर्ड तोडेको हो । अघिल्लो दिन पनि सुन तोलामा १ लाख ६५ हजार ६०० रुपैयाँमा कारोबार भएको थियो । नेपाल सुनचाँदी व्यवसायी महासंघका अनुसार दशैँ पछि सुनको मूल्यले हरेक दिन जसो नयाँ कीर्तिमान कायम गरिरहेको छ ।
महासंघका अनुसार आज चाँदीको मूल्यले पनि नयाँ रेकर्ड बनाएको छ । आज चाँदी तोलामा २ हजार १ सय रुपैयाँ पुगेको छ । अघिल्लो दिन चाँदी तोलामा २ हजार ९५ रुपैयाँमा कारोबार भएको थियो । पछिल्ला दिनहरुमा सुनचाँदीको मूल्यले प्रत्येक दिन कीर्तिमान कायम गरिरहेको छ ।
प्रतिक्रिया दिनुहोस्