काठमाडौं । नेपाली बजारमा सुनको मूल्यले आज फेरि नयाँ कीर्तिमान कामय गरेको छ । अघिल्लो दिन कायम भएको कीर्तिमान आज तोडिएको हो ।
बुधबार नेपाली बजारमा सुनको मूल्य तोलामा १ हजार १ सय रुपैयाँले बढेर १ लाख ६६ हजार ७ सय रुपैयाँ पुगेको छ । यो अहिलेसम्मकै उच्च मूल्य हो । नेपाल सुनचाँदी व्यवसायी महासंघका अनुसार अघिल्लो दिन सुनको मूल्य तोलामा १ लाख ६५ हजार ६ सय रुपैयाँ रहेको थियो ।
आज चाँदीको मूल्य पनि तोलामा ३५ रुपैयाँले बढेर नयाँ कीर्तिमान कायम भएको छ । आज चाँदी तोलामा २ हजार १ सय ३५ रुपैयाँ पुगेको छ । अघिल्लो दिन चाँदी तोलामा २ हजार १ सय रुपैयाँमा कारोबार भएको थियो ।
प्रतिक्रिया दिनुहोस्