काठमाडौं । आज नेपाली बजारमा सुनको मुल्य सामान्य घटेको छ । अघिल्लो कारोबार दिन शुक्रबार सामान्य बढेको सुनको मूल्य आज तोलामा १०० रुपैयाँले घटेको हो ।
नेपाल सुनचाँदी व्यवसायी महासंघका अनुसार आज छापालावा सुनको मूल्य प्रतितोला १ लाख ६० हजार रुपैयाँमा कारोबार भएको छ । अघिल्लो कारोबार दिन शुक्रबार सुनको मूल्य तोलामा १ लाख ६० हजार १०० रुपैयाँमा कारोबार भएको थियो ।
त्यस्तै आज चाँदी तोलामा १ हजार ९ सय ५ रुपैयाँमा कारोबार भइरहेको छ । अघिल्लो दिन पनि चाँदी सोही मूल्यमा खरिद बिक्री भएको थियो ।
आइतबार अन्तर्राष्ट्रिय बजारमा सुन प्रतिऔंस २ हजार ५६२.८६ अमेरिकी डलर र चाँदी प्रतिऔंस ३०.२५ डलरमा कारोबार भइरहेको छ ।
प्रतिक्रिया दिनुहोस्