काठमाडौं । नेपाली बजारमा आज सुनको मूल्य एकै दिन १ हजार ७०० रुपैयाँले बढेको छ । कारोबार हुने साताको पहिलो दिन सुनको मूल्य तोलामा १ हजार ७०० रुपैयाँले बढेर १ लाख ६७ हजार २०० रुपैयाँ पुगेको हो ।
नेपाल सुनचाँदी व्यवसायी महासंघका अनुसार अघिल्लो दिन सुनको मूल्य तोलामा १ लाख ६५ हजार ५०० रुपैयाँमा कारोबार भएको थियो । गत साताको सबै दिन बढेको सुन यो साताको पहिलो दिन नै बढेर कारोबार भएको हो ।
महासंघका अनुसार आज चाँदीको मूल्य तोलामा २० रुपैयाँले बढेको छ । आज चाँदी तोलाका १ हजार ९६० रुपैयाँमा कारोबार भइरहेको छ । अघिल्लो दिन चाँदी तोलाका १ हजार ९४० रुपैयाँ रहेको थियो ।
प्रतिक्रिया दिनुहोस्