काठमाडौं । यती एयरलाइन्सले सञ्चालन गरेको चाडपर्व विशेष ‘यतीसँग, उत्सवको उमंग’ योजनाको बम्पर उपहार ग्रीस्मा खनालले जितेकी छन् ।

अन्तर्राष्ट्रिय नागरिक उड्डयन दिवसको अवसर पारेर यती एयरलाइन्सले फेसबुक लाइभमार्फत ‘लक्की ड्र’ गरेको थियो, जसमा ग्रीस्माले सिट्रोनको तर्फबाट पानारोमा बेनेली १२५ सीसीको स्कुटर प्राप्त गरेकी हुन् । उनले यती एयरलाइन्समा मंसिर १४ गते काठमाडौं–भैरहवा यात्रा गरेकी थिइन् ।

यस्तै, दोस्रो पुरस्कार मंसिर १२ गते काठमाडौं–विराटनगर उडान गरेका राजेन्द्र राईले हात पारेका छन् । उनले श्री रिद्धिसिद्धि ज्वेलर्सको तर्फबाट डायमण्डको चेन प्राप्त गरेका छन् ।

यसैगरी, तेस्रो पुरस्कारको रूपमा पाल्सोनिकको फ्रिज सिर्जना केसीले प्राप्त गरेकी छन् । उनले यती एयरलाइन्समार्फत् मंसिर १२ गते काठमाडौं–नेपालगञ्ज उडान भरेकी थिइन् ।

मासिक पुरस्कारको विजेताहरूमा अरुणकुमार यादव र पदमबहादुर बस्नेत छन् । उनीहरूले नथिङ नेपालको तर्फबाट सीएमएफ एयरवर्ड प्राप्त गरेका हुन् ।

साप्ताहिक पुरस्कार जित्नेहरूमा भने तारादेवी बस्नेत, श्रीपति शाहु, सन्जु कृष्ण भट्टराई, डम्बरप्रसाद तिमिल्सिना, रुपेश धिमाल, विकास गुरुङ, रुजन तुलाधर, अनुज ढकाल छन् । उनीहरूले आईबीबी नेपालको तर्फबाट आकर्षक गिफ्टह्याम्पर प्राप्त गरेका छन् ।

यती एयरलाइन्सले चाडपर्वको समयमा यात्रा गर्ने आफ्ना यात्रुहरूलाई लक्षित गरी दुई महिना समयावधिका लागि (असोज २२ देखि मंसिर २१ गतेसम्म) ‘यतीसँग, उत्सवको उमंग’ योजना सार्वजनिक गरेको थियो । यस अवधिभर २ लाख चार हजार ४ सय ८५ जना यती एयरलाइन्समा यात्रा गरेको जनाएको छ ।

यस चाडपर्व विशेष योजनामा यात्रुहरूको उत्साहजनक सहभागिताले थप ऊर्जा थपेकाले आगामी दिनहरूमा पनि यसप्रकारका आकर्षक अफरहरू ल्याइरहने यती एयरलाइन्सले जानकारी दिएको छ ।