काठमाडौं । नेपाली बजारमा आज सुन चाँदीको मूल्य घटेको छ । साताको कारोबार हुने पहिलो दिन सुनको मूल्य ८०० रुपैयाँ र चाँदी ३० रुपैयाँले सस्तो भएको हो ।
नेपाल सुनचाँदी व्यवसायी महासंघका अनुसार आज सुनको मूल्य तोलामा १ लाख ५७ हजार १०० रुपैयाँमा कारोबार भइरहेको छ । गत शुक्रबार सुनको मूल्य तोलामा १ लाख ५७ हजार ९०० रुपैयाँमा खरिद बिक्री भएको थियो ।
त्यस्तै आज चाँदीको मूल्य तोलामा ३० रुपैयाँले सस्तो भएको छ । महासंघका अनुसार आज चाँदी तोलामा १ हजार ८६० रुपैयाँमा किनबेच भइरहेको छ । शुक्रबार चाँदीको मूल्य तोलामा १ हजार ८९० रुपैयाँ रहेको थियो ।
प्रतिक्रिया दिनुहोस्