काठमाडौं । नेपाली बजारमा आज सुनको मूल्य घटेको छ । आज सुन तोलामा ३ हजार ९०० रुपैयाँले घटेर कारोबार भइरहेको हो ।

अघिल्लो दिन हालसम्मकै उच्च मूल्यको किर्तीमान कायम गरेको सुन आज तोलामा १ लाख ७६ हजार ४०० रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ । अघिल्लो दिन सुन तोलामा १ लाख ८० हजार ३०० रुपैयाँमा कारोबार भएको थियो ।

महासंघका अनुसार आज चाँदीको मूल्य तोलामा १ सय २५ रुपैयाँले घटेको छ । आज चाँदी तोलाको १ हजार ८ सय ७० रुपैयाँमा किनबेच भइरहेको छ । अघिल्लो दिन चाँदी १ हजार ९ सय ९५ रुपैयाँमा किनबेच भएको थियो ।