काठमाडौं । भारतबाट विजुली आयात गर्ने सम्झौता ३ महिनाको लागि नवीकरण भएको छ ।
नेपाल विद्युत प्राधिकरणका प्रवक्ता चन्दनकुमार घोषले ३ महिनाका लागि सम्झौता नवीकरण भएको बताए ।
सम्झौता अनुसार असार दोस्रो सातासम्म भारतबाट नेपालले विजुली आयात गर्न पाउने छ । हरेक वर्षको लागि सम्झौता नवीकरण हुने गरेकोमा यो पटक ३ महिनाको लागि सम्झौता नवीकरण भएको हो ।
नेपालमा सुख्खा समयमा विजुलीको अभाव हुने गरेको छ । यसको लागि भारतबाट विजुली आयात हुने गरेको छ । नेपालले भारतबाट सुख्खा समयमा ६ सय मेगावाट विजुली आयात गर्ने गरेको छ ।
प्रतिक्रिया दिनुहोस्