काठमाडौं । राजनीतिक उतारचढावका बीच धितोपत्र बजारमा शेयर कारोबार मापक नेप्से परिसूचकमा चार प्रतिशतको वृद्धिपछि २० मिनेटका लागि कारोबार रोकिएको छ ।
सोमबार सरकारको फेरबदलको हल्लले कारोबार सुरु भएको तीन मिनेटमै बजार ४.०४ प्रतिशतले बढेको हो । बजार ७९.२९ अंकले बढेर २०३९.६० बिन्दुमा पुगेको छ ।
कारोबार सुरु भएको पहिलो एक घण्टाभित्र ४ प्रतिशतले बजार बढेमा वा घटेमा सर्किट ब्रेक लाग्छ । सर्किट ब्रेकपछि २० मिनेटका लागि कारोबार रोकिएको हो ।
कारोबार सुरु हुने वित्तिकै अरुण काबेली पावर लिमिटेड र त्रिशूली जलविद्युत् कम्पनीको सेयर मूल्यमा सकारात्मक सर्किट लागेको छ ।
प्रतिक्रिया दिनुहोस्