काठमाडौं । स्थानीय बजारमा पहेँलो धातुको मूल्य प्रतितोला १ हजार ६ सयले वृद्धि भएको छ । नेपाल सुनचाँदी व्यवसायी महासङ्घका अनुसार छापावाला सुन आइतबार १ लाख ३० हजारमा कारोबार भएकामा आजका लागि भने प्रतितोला १ लाख ३१ हजार ६ सय कायम भएको छ ।
यस्तै, तेजाबी सुन आइतबार १ लाख २९ हजार ४ सयमा कारोबार भएकामा आजका लागि भने १ लाख ३० हजार ९ सय ५० मा कारोबार भएको छ ।
सोमबार चाँदी तोलामा १० रुपैयाँले वृद्धि भएर प्रतितोला १ हजार ५ सय ३५ रुपैयाँमा खरिदबिक्री हुँदैछ । हिजो भने चाँदीको मूल्य स्थिर रहेर प्रतितोला १ हजार ५ सय २५ रुपैयाँमा किनबेच भएको थियो ।
आज अन्तर्राष्ट्रिय बजारमा भने सुन प्रतिऔंस २२ सय ६३ अमेरिकी डलरमा कारोबार भइरहेको छ।
प्रतिक्रिया दिनुहोस्