Skip to content

भन्सार छली भारतबाट भित्र्याइएको १० करोड बढीको अवैध सामान बरामद

 

 बाँके । बाँकेमा भन्सार छली गरी भारतबाट भित्र्याइएको १० करोड रुपैयाँ बढीको अवैध सामान सशस्त्र प्रहरी बल नेपालले बरामद गरेको छ । 

चालु आर्थिक वर्षको साउनदेखि चैतको २७ गतेसम्म १० करोड १० लाख रुपैयाँ बराबरको भन्सार छली गरी भित्रिएका अवैध सामान बरामद गरिएको सशस्त्र प्रहरी बल नम्बर ३० बागेश्वरी गणका प्रमुख सशस्त्र प्रहरी उपरीक्षक बिमल डाँगीले जानकारी दिए । 

उनका अनुसार साउनमा रु एक करोड ४५ लाख, भदौमा १ करोड १९ लाख रुपैयाँ, असोजमा १ करोड ६ लाख रुपैयाँ, कात्तिकमा १ करोड ४१ लाख रुपैयाँ, मङ्सिरमा १ करोड ३८ लाख रुपैयाँ, पुसमा १ करोड १ लाख रुपैयाँ, माघमा ९१ लाख, फागुनमा ९१ लाख र चैतको हालसम्म  ७४ लाख रुपैयाँ बराबरको अवैध सामान बरामद भएको छ । 

अवैधरुपमा हुने चोरी निकासी कारोबारीमा कडाइ गरेपछि भन्सार राजस्वमासमेत वृद्धि भएको उनको भनाइ छ । नेपालगञ्जस्थित जमुनाह नाकासहित बाँकेमा सीमावर्ती ६५ किलोमिटर क्षेत्रमा मानिस सामानसहित ओहोरदोहोर गर्ने ३० नाका पहिचान भएका प्रमुख सशस्त्र प्रहरी उपरीक्षक डाँगीले जानकारी दिए।

बाँकेमा सीमा सुरक्षाको लागि सशस्त्र प्रहरी बल नम्बर ३० बागेश्वरी गण अन्तर्गत १० वटा बोर्डर आउट पोष्ट ९बीओपी० रहेका छन् । दशगजा क्षेत्रको सुरक्षा, सीमा क्षेत्रबाट हुने अपराध नियन्त्रण, सीमा अतिक्रमणको अनुगमन तथा रोकथाम, सीमा क्षेत्रमा हुने राजस्व चुहावट नियन्त्रण तथा गैरकानुनी गतिविधि नियन्त्रणलाई थप प्रभावकारी बनाउने उद्देश्यले सशस्त्र प्रहरीले सीमा पैदलगस्ती परिचालन भएको सशस्त्र प्रहरी उपरीक्षक डाँगीले जानकारी दिनुभयो ।

प्रतिक्रिया दिनुहोस्

Copyright 2024 © laganinews.com | All rights reserved.

Designed & Maintained by Eservices Nepal