काठमाडौं । नेपाल पुनर्बिमा कम्पनीले गत आव २०७९र८० को मुनाफाबाट सेयरधनीलाई ५ प्रतिशत लाभांश दिने घोषणा गरेको छ । उक्त कम्पनीको वैशाख ३ गते बसेको सञ्चालक समितिको ५१५ औ बैठकको निर्णअनुसार सेरधनीलाई ५ प्रतिशत लाभांश दिने निर्णय गरेको हो ।
कम्पनीले हाल कायम चुक्ता पुँजीको ४.७५ प्रतिशत बोनस सेयर र कर प्रयोजनको लागि ०.२५ प्रतिशत नगद लाभांश गरी कुल ५ प्रतिशत लाभांश वितरण गर्ने प्रस्ताव गरेको छ ।
प्रस्तावित सो लाभांश नेपाल सरकार र नेपाल बीमा प्राधिकरणबाट स्वीकृत भई कम्पनीको आगामी वार्षिक साधारण सभाले पारित गरेपश्चात् सेयरधनीहरूलाई वितरण हुने छ ।
उक्त कम्पनीले कुल ५ प्रतिशतले हुन आउने कुल ६७ करोड २६ लाख ६० हजार ३ सय ८० रुपैयाँ बराबरको लाभांश वितरण गर्ने प्रस्ताव गरेको हो ।
प्रतिक्रिया दिनुहोस्