काठमाडौं । सानिमा रिलायन्स लाइफ इन्स्योरेन्सले पोखरा रिजनअन्तर्गत गण्डकी धौलागिरि क्षेत्रका उत्कृष्ट २ सय ६२ जना अभिकर्ताका लागि पोखरामा सीप विकास कार्यशाला आयोजना गरेको छ । उक्त कार्यक्रमका प्रमुख अतिथि कम्पनीका डेपुटी निराजन कँडेलले उत्तप्रेरणा तथा रमाइलो कार्यक्रमले आनन्द दिए पनि सैदान्तीक र बिषय बस्तुमा गहन अध्ययनले फाइदा पुग्ने भन्दै अध्ययन तथा प्रशिक्षणमा जोड दिनुपर्ने बताए।

साथै कम्पनीका चिफ बिजनेस अफिसर गुणराज श्रेष्ठ, सूर्य प्रकाश गुप्ता र सन्दीप कसजुले कार्यशालाको सहजीकरण गरेका थिए।

सो कार्यक्रममा पोखरा रिजनमा गत आर्थिक वर्षमा बिभिन्न विधामा उत्कृष्ट व्यवसाय गरेका ९ जनालाई सम्मान गरिएको कम्पनीका रिजनल म्यानेजर विनोद त्रिपाठीले जानकारी दिए। सो कार्यक्रममा कम्पनिका रिजनल म्यानेजर विनोद त्रिपाठीले स्वागत मन्तव्य राखेका थिए भने सञ्चालन पोखरा शाखा प्रमुख कमला शर्माले गरेका थिए।