काठमाडौं । नेपालमा हुन्डाई गाडीको एकमात्र आधिकारिक वितरक, लक्ष्मी इन्टरकन्टिनेन्टल प्रा. लि.ले बिर्तामोडमा क्रेटा ईभी (इलेक्ट्रिक गाडी) सार्वजनिक तथा अन्तरक्रिया कार्यक्रम सफलताका साथ सम्पन्न गरेको छ । भरपर्दो सेवा, गुणस्तरीय गाडी र देशभर फैलिएको राम्रो नेटवर्कका कारण हुन्डाई नेपाल ग्राहकहरु बीच अन्त्यन्त लोकप्रिय ब्रान्ड बनिसकेको छ । उत्कृष्ट मूल्य र ग्राहक सन्तुष्टिमा सधैँ ध्यान दिने हुन्डाइ नेपाल आजको दिनमा सबै भन्दा सफल अटो ब्रान्डमध्ये एक हो ।

उक्त कार्यक्रम वैशाख २५ गते (८ मे २०२५) मा बिर्तामोडस्थित अलाइन्स मोटर्स, हुन्डाईको आधिकारिक डिलर, को प्राङ्गणमा आयोजना गरिएको थियो । कम्पनीका अनुसार नयाँ क्रेटा ईभीको सार्वजनिकले ग्राहकहरूलाई विद्युतीय गाडीप्रतिको दुविधा हटाउन महत्त्वपूर्ण योगदान गरेको छ । धेरै ग्राहकहरूले ईभी गाडी लिँदा स्पेयर पाट्र्सको उपलब्धता, सेवा शुल्क र ब्याकअप सपोर्टको विषयमा चिन्ता व्यक्त गर्ने गरेका थिए। तर, हुन्डाईले नेपालमा क्रेटा ईभी र पेट्रोल गाडी दुवै मोडलमा समान प्रविधि र सेवा प्रदान गर्ने प्रतिबद्धता जनाएको छ। कम्पनीले यी दुवै प्रकारका गाडीका लागि समान स्तरको सेवा, पाट्र्स र सपोर्ट सुनिश्चित गरेको छ ।

कार्यक्रममा हुन्डाईको उच्च व्यवस्थापन टोलीको उपस्थितिमा क्रेटा ईभीको विशेषताहरूबारे जानकारी दिइएको थियो। उपस्थित ग्राहकहरूले हुन्डाईको टोलीसँग प्रत्यक्ष कुराकानी गरी आफ्ना जिज्ञासाहरूको समाधान प्राप्त गरेका थिए। साथै, आवश्यक सहयोग र जानकारी पनि प्रदान गरिएको थियो । लक्ष्मी इन्टरकन्टिनेन्टल प्रा. लि. र हुन्डाई नेपालले बिर्तामोडको उक्त कार्यक्रममा सहभागी सबैलाई हार्दिक धन्यवाद व्यक्त गरेका छन् । कम्पनीले सफा र हरियाली भविष्यतर्फको यात्रालाई अगाडि बढाउँदै देशका सबै क्षेत्रमा ग्राहकहरूसँगको सम्बन्धलाई थप सुदृढ बनाउने प्रतिबद्धता दोहोर्‍याएको छ । हुन्डाई नेपालले देशका विभिन्न स्थानहरूमा यस्ता अन्तरक्रिया र सार्वजनिकीकरण कार्यक्रमहरू मार्फत ग्राहकहरूसम्म पुग्ने योजना बनाएको छ ।