काठमाडौं । यामाहा नेपालले एमटी-१५ भर्सन २ किन्न चाहने ग्राहकलाई लक्षित गर्दै टाइम अफर सार्वजनिक गरेको छ ।

अबदेखि नयाँ एमटी-१५ भर्सन २ किन्ने प्रत्येक ग्राहकले उपहारस्वरूप एक प्रिमियम राइडिङ ज्याकेट पाउनेछन् । जेठ १८ गतेदेखि सुरु भएको यो अफर नेपालभरिका सबै अधिकृत यामाहा शोरूमहरूमा उपलब्ध हुनेछ।

नगद वा सजिलो किस्ताबन्दी योजनामा बाइक किन्ने प्रत्येक नेपाली ग्राहकले ‘कवच’ ब्रान्डसँगको सहकार्यमा तयार गरिएको गुणस्तरीय र प्रिमियम राइडिङ ज्याकेट प्राप्त गर्नेछन् । अत्याधुनिक डिजाइन, टिकाउपन र सुरक्षालाई ध्यानमा राखेर निर्माण गरिएको यो ज्याकेट केवल फेसनका लागि मात्र नभई सुरक्षित र आत्मविश्वासका साथ यात्रा गर्नका लागि महत्वपूर्ण कदम भएको जनाइएको छ ।

यो अफर एमटी-१५ भर्सन २ का निलो र सेतो रंगहरूमा मात्र लागू हुनेछ । एमएडब्ल्यु राइड्सका कार्यकारी निर्देशक तथा सीईओ दीपक कुमार अग्रवालले एमटी-१५ भर्सन २ स्टाइल, पावर र प्रिसिजन प्रतीक भएको बताए । नयाँ पुस्ताका नेपाली राइडरहरूसँग मेल खाने बताए ।

एमएडब्ल्यू राइड्स अन्तर्गत सञ्चालित यामाहा उन्नत प्रविधियुक्त दुईपांग्रे ब्रान्ड हो । जापानी इन्जिनियरिङको उत्कृष्टता, भरपर्दो प्रदर्शन र प्रयोगकर्ता केन्द्रित इनोभेसनका आधारमा नेपालको मोटरसाइकल क्षेत्रलाई निरन्तर नेतृत्व गर्दै अगाडि बढाइरहेको छ।