काठमाडौं । स्थानीय बजारमा आइतबार सुनको मूल्य ७ हजार ४ सय रूपैयाँले बढेको छ। दसैंअघिको तुलनामा सुन प्रतितोला ७ हजार ४ सय रूपैयाँले बढेको नेपाल सुनचाँदी व्यवसायी महासंघले जनाएको छ।
महासंघले दसैंअघि २ लाख २३ हजार २ सय रूपैयाँ मूल्य तोकेको थियो। आज आइतबार सुनको मूल्य प्रतितोला २ लाख ३० हजार ६ सय रूपैयाँ पुगेको छ।
त्यस्तै, आइतबार चाँदीको मूल्य पनि प्रतितोला १ सय २० रूपैयाँले बढेको छ। यसअघि २८ सय १० रूपैयाँमा कारोबार भएको चाँदी आइतबार २९ सय ३० रूपैयाँमा कारोबार भइरहेको छ।
अन्तर्राष्ट्रिय बजारमा आज सुन प्रतिऔंस ३८ सय ८६ अमेरिकी डलरमा कारोबार भइरहेको छ।
प्रतिक्रिया दिनुहोस्