काठमाडौं । नेपाल राष्ट्र बैंकले पहिलो पटक नेपाली आईटी कम्पनीहरूलाई विदेशमा आफ्नो शाखा कार्यालय खोल्न र कम्पनीको सेयर (इक्विटी) विदेशमा ट्रान्सफर गर्न कानुनी अनुमति दिएको छ। राष्ट्र बैंकले आईड्रिम टेक्नोलोजिज कम्पनीलाई अनुमति दिएको हो।

कम्पनीले अमेरिकामा आईड्रिम एलएलसी नामबाट शाखा कार्यालय खोलेको छ र नेपाल राष्ट्र बैंकले अमेरिकी बैंक खातामा डलरमा इक्विटीको रूपमा रकम ट्रान्सफर गर्न स्वीकृति दिएको छ। यसले अब नेपाली आईटी कम्पनीहरूलाई विदेशी मुद्रा आर्जन गर्न सक्रिय रूपमा लक्ष्य राख्न सहज बनाउने अपेक्षा गरिएको छ।