काठमाडौं। जल तथा मौसम विज्ञान विभागले आगामी निर्वाचन (फागुन २०–२२) अवधिका लागि मौसम पूर्वानुमान सार्वजनिक गरेको छ। महाशाखाले उपलब्ध मौसमी तथ्यांक र मौसम मोडेलको आधारमा गरेको विश्लेषण अनुसार अधिकांश प्रदेशमा हल्का वर्षा वा हिमपात हुने सम्भावना रहेको जानकारी दिएको छ ।

विभागका अनुसार कोशी प्रदेशको हिमाली भेगमा फागुन २० गते एक–दुई स्थानमा फाटफुट वर्षा र हिमपात, फागुन २१ गते आंशिक बादल, फागुन २२ गते एक–दुई स्थानमा हल्का वर्षा र हिमपात हुने जानकारी दिएको छ ।

यसैगरी, यस प्रदेशको पहाडी भेगमा फागुन २० गते फाटफुट वर्षा, फागुन २१ गते आंशिक बादल, फागुन २२ गते एक–दुई स्थानमा हल्का वर्षाको सम्भावना रहेको छ । तराइमा मौसम सभा रहने विभागको अनुमान रहेको छ ।

मधेस प्रदेश तराइको सफा मौसम छ । बागमती प्रदेश हिमाली भेगमा फागुन २० गते फाटफुट वर्षा र हिमपात, फागुन २१ गते आंशिक बादल, फागुन २२ गते एक–दुई स्थानमा हल्का वर्षा र हिमपात हुने विभागको अनुमान रहेको छ । पहाडमा फागुन २० गते फाटफुट वर्षा, फागुन २१ गते आंशिक बादल, फागुन २२ गते एक–दुई स्थानमा हल्का वर्षा सम्भावना रहेको छ ।