काठमाडौं । सरकारले चालु आर्थिक वर्षका लागि आय करमा नयाँ दर कायम गरेको छ ।
सरकारले चालु आर्थिक बर्षको बजेटबाट नयाँ करमा दर लागू गरेको हो । यी दर साउन १ गतेदेखि लागू भइसकेको छ । एकल व्यक्ति तथा दम्पतीका लागि पारिवारिक छुट तथा आयको सीमा तोकिएको छ ।
सरकारले चालु आवको बजेटबाट आयकरको माथिल्लो रकममा लाग्ने कर घटाएको छ भने न्यूनतम रकममा लाग्ने करयोग्य आयको रकम बढाएको छ ।
साउन १ देखि आयमा अधिकतम २९ प्रतिशतसम्म कर लाग्नेछ । यसअघि ३९ प्रतिशत रहेको थियो ।
आन्तरिक राजस्व विभागका अनुसार प्राकृतिक व्यक्तिको करयोग्य आयमा विभिन्न सीमा रहेका छन् ।
आयकर ऐन, २०५८ अनुसार प्राकृतिक व्यक्तिका लागि लागू हुने करको दरसम्बन्धी उक्त तालिका आय वर्ष २०८३/८४ का लागि जारी गरिएको हो ।
विभागका अनुसार १० लाख रुपैयाँसम्मको करयोग्य आयमा १ प्रतिशत आयकर लाग्ने छ । १० लाख रुपैयाँभन्दा बढी १५ लाख रुपैयाँसम्मको करयोग्य आयमा १० प्रतिशत कर लाग्नेछ ।
त्यस्तै, १५ लाख रुपैयाँभन्दा बढी २५ लाख रुपैयाँसम्मको आयमा २० प्रतिशत र २५ लाख रुपैयाँभन्दा बढी ४० लाख रुपैयाँसम्मको करयोग्यआयमा २७ प्रतिशत कर लाग्ने छ । ४० लाख वा सो भन्दा बढी कर योग्य आय भएमा २९ प्रतिशत कर लाग्ने छ ।
यसैगरी, ६० लाख रुपैयाँ करयोग्य आय भएका व्यक्तिले १२ लाख ४५ हजार रुपैयाँ कर तिर्नुपर्छ ।
प्रतिक्रिया दिनुहोस्