काठमाडौं । साताको अन्तिम कारोबार दिन शुक्रबार सेयर बजार बढेको छ । शुक्रबार सेयर बजार मापक नेप्से सूचक २२.८५ अंकले बढेर २६४७.२२ बिन्दुमा पुगेको हो ।

आज सेयर बजारसंगै कारोबार रकम पनि बढेको छ । अघिल्लो कारोबार दिन अर्थात् बिहीबार ५ अर्ब ४९ करोड रुपैयाँबराबरको सेयर कारोबार भएको बजारमा आज ६ अर्ब ७४ करोड ५६ लाख ३१ हजार रुपैयाँबराबरको बराबरको कारोबार भएको छ ।

आज कारोबारमा आएको १३ उपसमूहमध्ये ११ उपसमूहको परिसूचक बढेको छ । बाँकी २ उपसमूहको परिसूचक भने घटेको छ ।

आज स्नो रिभर्स लिमिटेडको सेयरमूल्य सबैभन्दा धेरै बढेको छ । यस कम्पनीको सेयर मूल्य १३.६६ प्रतिशत बढेको छ ।

कारोबार रकमका आधारमा आज कुमारी बैंक उच्च स्थानमा रहेको छ। यस बैंकको यस दिन ३२ करोड १३ लाख रुपैयाँबराबरको सेयर कारोबार भएको छ।