काठमाडौं । अर्थमन्त्री डा. स्वर्णिम वाग्लेले १० लाख रुपैयाँसम्मको आयकर छुट दिनु भनेको यो निकै क्रान्तिकारी काम भएको दाबी गरेका छन् ।

उनले कलेज सकिँदै गरेको युवाले मासिक १ लाख कमाउँदै गर्दा पनि कर छुट पाउँछु भन्ने अवस्था सृजना भएको उनको दाबी छ ।

आज नाफिजले आयोजना गरेको कार्यक्रममा उनले आगामी आवको बजेट जिडीपीको आकारमा हेर्दा निकै सानो भएको दाबी गरेका छन् ।

यसअघि जिडीपीको ३७ प्रतिशतसम्म बजेट ल्याएको उनको दाबी छ । दुई तिहाइतको सरकारले पनि निकै सानो बजेट ल्याएको उनको दाबी छ ।
६ खर्ब ५० अर्बको ऋणमध्ये आधा भन्दा बढी पुरानो तिर्दा सकिने र नेट ऋण निकै कम भएको उनको दाबी छ ।

पुराना खर्बौको दायित्वले थिचेको उनको गुनासो छ । बजार सिथिल रहेको बेला त्यसलाई चलायमान बनाउने उनको तर्क छ ।

बिजुलीमा भ्याट लगाउने विषयमा अरुले गफ गरेको भएपनि आफुहरुले काम गरेको दाबी गरे ।

सरकारले बाँडेपछि जिम्बाबे, भेनेजुयला जस्तो बन्ने दाबी गरे । उनले सरकारले घोषणा गरेको भ्याट जुनसुकै हालतमा लगाउने, पछि नहटने दाबी गरे । उनले विद्युत नियमन आयोगलाई भनेर मूल्य समायोजन गर्न अपिल गर्ने दाबी गरे ।

विद्युतमा १५० युनिट उठेपनि ५० युनिटसम्म निशुल्क हुने भएर २४ रुपैयाँ मात्रै बढ्ने भएर त्यसले कुनै आकाश नखस्ने उनको तर्क छ ।