काठमाडौं । कतारमा जारी राइजिङ स्टार्स एसिया कपमा नेपालले पहिलो जित निकालेको छ । आइतबार भएको खेलमा नेपालले यूएईलाई ६ विकेटले पराजित गरेको हो ।
यूएईले दिएको १२२ रनको लक्ष्य नेपालले २२ ओभरमा ४ विकेट गुमाएर पूरा गर्यो ।
नेपालका लागि भुर्तेलले उत्कृष्ट ब्याटिङ गर्दै ५६ बलमा ६ चौका र १ छक्काको मद्दतमा सर्वाधिक ५७ रन बनाए । त्यस्तै, मयन यादवले २७ रन जोड्दा बसिर अहमद १८ रनमा अविजित रहे ।
यूएईका मुहम्मद मोहसिनले २ विकेट लिए भने उदीस सुरी र अंश टन्डनले समान १–१ विकेट लिए ।
यस जितसँगै नेपालले प्रतियोगितामा पहिलो सफलता हात पारेको छ ।









प्रतिक्रिया दिनुहोस्