काठमाडौं । आईजीआई प्रुडेन्सियल इन्स्योरेन्सले आज मंगलबारदेखि आफ्नो स्वामित्वमा रहेको नेपाल पुनर्बिमा कम्पनीको २० लाख कित्ता संस्थापक सेयर बिक्री खुला गरेको छ ।
उक्त पुनर्बिमा कम्पनीकै संस्थापक सेयरधनीले मात्र आवेदन दिन सक्नेछन् । तोकिएको समय अवधिमा कुनै पनि संस्थापकबाट आवेदन नपरेमा मात्र सर्वसाधारण लगानीकर्तालाई बिक्री खुला गरिनेछ । यसमा न्यूनतम २८० रुपैयाँ वा सोभन्दा बढी मूल्य कबोल गरी गोप्य शिलबन्दी बोलपत्र पेस गर्नुपर्नेछ ।
आवेदकले बिक्री प्रबन्धक ग्लोबल आइएमई क्यापिटलको नक्साल काठमाडौंमा पुग्ने गरी आवेदन बुझाउनुपर्नेछ । चैत १२ गतेसम्म आवेदन दिन मिल्नेछ ।
प्रतिक्रिया दिनुहोस्