काठमाडौं । नेपाली बजारमा सोमबार सुन–चाँदीको मूल्य २ सय रुपैयाँले बढेको छ। नेपाल सुनचाँदी व्यवसायी महासंघका अनुसार आज छापावाल सुन प्रतितोला १ लाख २६ हजार ७ सय रुपैयाँ र तेजाबी सुन प्रतितोला १ लाख २६ हजार १ सय रुपैयाँमा कारोबार भइरहेको छ।
शुक्रबार छापावाल सुन प्रतितोला एक लाख २६ हजार ५ सय रुपैयाँ र तेजाबी सुन प्रतितोला १ लाख २५ हजार ९ सय रुपैयाँमा कारोबार भएको थियो।
त्यसैगरी, सोमबार चाँदीको मूल्य पनि १५ रुपैयाँले बढेको छ। शुक्रबार प्रतितोला १ हजार ५ सय रुपैयाँमा कारोबार भएको चाँदी सोमबार प्रतितोला १५ सय १५ रुपैयाँमा किनबेच भइरहेको छ।
आज अन्तर्राष्ट्रिय बजारमा भने सुन प्रतिऔंस २१ सय ७० अमेरिकी डलरमा कारोबार भइरहेको छ।
प्रतिक्रिया दिनुहोस्