काठमाडौं । दसैँको मुखमा टोयोटाका सवारीसाधन खरिद गर्न चाहने ग्राहकलाई लक्षित गर्दै विशेष वित्तीय सुविधा सार्वजनिक गरिएको छ ।
नेपालमा टोयोटा सवारीसाधनको आधिकारिक वितरक युनाइटेड ट्रेडर्स सिन्डिकेट प्रालि (यूटीएस) र एनआईसी एसिया बैंक लिमिटेड बीच भएको विशेष वित्तीय सहकार्यअन्तर्गत ग्राहकले ७ वर्षसम्म ५.९९ प्रतिशत वार्षिक स्थिर ब्याजदरमा अटो लोन प्राप्त गर्न सक्ने भएका छन् ।
यस सहकार्यअन्तर्गत ग्राहकले ऋण प्रशासन शुल्कमा २५ आधार अंकसम्म छुट समेत पाउनेछन् । उक्त वित्तीय सुविधा बैंकको ऋणसम्बन्धी नीति तथा नेपाल राष्ट्र बैंकका प्रचलित निर्देशनअनुसार लागू हुनेछ ।
दसैँलाई लक्षित गर्दै ल्याइएको यस विशेष योजनाले टोयोटाका सवारीसाधन खरिद गर्न चाहने ग्राहकलाई सहज वित्तीय पहुँच उपलब्ध गराउने अपेक्षा गरिएको छ । यसबाट ग्राहकले आफ्नो रोजाइको टोयोटा सवारीसाधन खरिद गर्ने प्रक्रिया थप सहज हुने कम्पनीले जनाएको छ ।
विशेष वित्तीय सहकार्यसम्बन्धी समझदारीपत्रमा यूटीएसका बिक्री तथा बजार व्यवस्थापनतर्फका उपमहाप्रबन्धक रेखा शाह कार्की र एनआईसी एसिया बैंकका खुद्रा व्यवसायतर्फका प्रमुख व्यवसाय अधिकृत अमित केसीले हस्ताक्षर गरेका छन् ।
प्रतिक्रिया दिनुहोस्