काठमाडौं । नेपाली नयाँ वर्ष २०८३ को अवसर पारेर एलआरआर मोटर्स प्रालिले आफ्नो प्रिमियम विद्युतीय खेल उपयोगी सवारी जिली ईएक्स५ म्याक्स मा आकर्षक नयाँ वर्ष विशेष बिक्री योजना ‘नयाँ ऊर्जा, नयाँ यात्रा र नयाँ अनुभव’ सार्वजनिक गरेको छ।

चैत्र १, २०८२ देखि वैशाख ७, २०८३ सम्म लागू हुने यस योजना अन्तर्गत सो अवधिभित्र जिली ईएक्स५ म्याक्स खरिद गर्ने ग्राहकहरूले विभिन्न आकर्षक उपहार तथा सुविधाहरू प्राप्त गर्नेछन्। कम्पनीले ग्राहकहरूलाई विशेष अनुभव प्रदान गर्ने उद्देश्यले ६ रात ७ दिनको थाइल्याण्ड भ्रमण (२ जनाका लागि) सहितका विशेष लाभहरू समावेश गरेको जनाएको छ।

यसका अतिरिक्त कम्पनीका अनुसार यो विशेष योजना अन्तर्गत ग्राहकहरूले जिली ईएक्स५ म्याक्स को खरिदमा स्मार्ट कफी मेसिन, अनुकूलनयोग्य चार्जर, आकर्षक नगद छुट, झन्झटरहित किस्ताबन्दी सुविधा, १ वर्षको निःशुल्क सवारी बीमा तथा १ वर्षको निःशुल्क सडक कर जस्ता सुविधाहरू पनि प्राप्त गर्नेछन्।

एलआरआर मोटर्स का बिक्री तथा सञ्चालन प्रमुख अधिर श्रेष्ठका अनुसार, ‘नयाँ वर्ष २०८३ को अवसरमा ग्राहकहरूलाई अझ विशेष अनुभव प्रदान गर्ने उद्देश्यले हामीले जिली ईएक्स५ म्याक्स मा यो आकर्षक योजना ल्याएका हौँ। विद्युतीय सवारीप्रति बढ्दो चासोलाई ध्यानमा राख्दै हामीले ग्राहकलाई थप मूल्य दिने गरी थाइल्याण्ड भ्रमणदेखि लिएर बीमा, सडक कर र अन्य सुविधाहरू समेटिएको प्याकेज तयार गरेका छौँ। यस योजनाले ग्राहकहरूलाई प्रिमियम विद्युतीय खेल उपयोगी सवारी अनुभवसँगै नयाँ वर्षको खुशी पनि थप विशेष बनाउने विश्वास लिएका छौँ।’

एलआरआर मोटर्स ले अत्याधुनिक प्रविधि, सुरक्षा र प्रिमियम अनुभव प्रदान गर्ने लक्ष्यसहित जिली ईएक्स५ विद्युतीय खेल उपयोगी सवारी नेपाली बजारमा उपलब्ध गराउँदै आएको छ। कम्पनीका अनुसार नयाँ वर्षको अवसरमा ल्याइएको यो योजना ग्राहकहरूलाई विद्युतीय सवारीतर्फ आकर्षित गर्ने र उनीहरूलाई थप मूल्य प्रदान गर्ने उद्देश्यले तयार गरिएको हो।

कम्पनीले नयाँ वर्षमा ‘नयाँ ऊर्जा, नयाँ यात्रा र नयाँ अनुभव सुरु गर्न चाहने ग्राहकहरूलाई जिली ईएक्स५ म्याक्स रोज्न आग्रह गरेको छ। इच्छुक ग्राहकहरूले कम्पनीको प्रदर्शनी कक्षमा गई सीमित अवधिका लागि लागू भएको यस अफरको फाइदा लिन सक्नेछन्।