काठमाडौं । सरकारले नागरिक लगानी कोषको कार्यकारी निर्देशकमा पर्वतकुमार कार्कीलाई नियुक्त गरेको छ । 

कोषका कार्यकारी निर्देशक रमण नेपालको कार्यकाल सकिएपछि कार्यकारी निर्देशक छनोटको लागि समिति गठन भएको थियो । जसमा अन्तिम पाँचजनामा कार्की सहित राजेन्द्र पण्डित, लेखनाथ शर्मा पंगेनी, विश्वमोहन अधिकारी र डा शिवहरी श्रेष्ठ रहेका छनोट भएका थिए । 

बुधबार बसेको मन्त्रिपरिषदको बैठकले कार्कीलाई कार्यकारी निर्देशकमा नियुक्त गर्ने निर्णय गरेको सरकारका प्रवक्ता रेखा शर्माले बताइन्।

यस्तै सरकारले गंगालाल ह्रृदय रोग केन्द्रको प्रमुखमा डा रवी मल्ललाई नियुक्त गरेको छ । 

आर्थिक कार्यविधि तथा वित्तीय उत्तदायित्व ऐन २०७६ लाई संशोधन गर्न बनेको अध्यादेश २०८० जारी गर्न राष्ट्रपतिकहाँ सिफारिस पठाउने निर्णय भएको शर्माले बताइन्।