काठमाडौं । नेपाल स्टक एक्सचेन्ज(नेप्से) परिसूचक २१ अंकले घटेको छ । साताको पहिलो दिन नेप्सेमा कारोबार रकम बढेपनि सूचक भने ओरालो लागेको हो ।
नेप्सेमा पछिल्लो साता लगातार सेयर मूल्य बढीरहेका हाथवे इन्भेष्टमेन्ट,नेपाल रिपब्लिक मिडिया,हिमालयन डिस्टिलिरीको सेयर मूल्य घटेको छ ।
लगातार सर्किट ब्रेक लगाएर बढेको हाथवे र नेपाल रिपब्लिक मिडियाको सेयर मूल्य आइतबार १० प्रतिशतले नै घटेको हो ।
बोटलर्स नेपाल सहित जलविद्युत् कम्पनीको सेयर मूल्य बढेको छ ।
नेप्से परिसूचक घटेपनि सेयर बजारमा सात अर्ब ११ करोडको कारोबार भएको छ । पछिल्लो समयकै बढी कारोबार भएको हुनाले सेयर बजारमा खरिदकर्ता बढ्दै गएको देखिन्छ । यसले सेयर बजार आउने दिनमा बढ्ने संकेत गर्ने अनुमान विश्लेषकको छ ।
प्रतिक्रिया दिनुहोस्