काठमाडौं । स्ट्यान्डर्ड चार्टर्ड बैंक नेपालले प्रमुख कार्यकारी अधिकृतमा पहिलो पटक नेपाली नागरिकलाई प्रमुख कार्यकारी अधिकृत (सीईओ) को जिम्मेवारी बैंकिङ क्षेत्रमा पनि नेपालीहरु सक्षम छन् भन्ने देखिएको छ । स्थापना कालदेखि नै विदेशी सीईओले नेतृत्व गरिरहेका विदेशी बैंकहरुमा पछिल्लो समय नेपालीहरु सीईओ बन्न थालेका हुन् ।

स्ट्यान्डर्ड चार्टर्ड बैंक नेपालको पहिलो नेपाली सीईओका रूपमा गोरखशमशेर राणालाई नियुक्त गरेको छ । यो सँगै नेपालमा रहेका तीनवटा विदेशी बैंकमध्ये २ वटाको सीईओ नेपाली छन् । २०७७ सालमा एभरेष्ट बैंकको सीईओमा सुदेश खालिङ नियुक्त भएका थिए । पञ्जाव नेसनल बैंक, भारतको संयुक्त लगानीमा सञ्चालित एभरेष्ट बैंकमा त्योभन्दा पहिले भारतीय नागरिकहरु नै सीईओ नियुक्त हुँदै आएका थिए । खालिङ विदेशी लगानी रहेको बैंकमा सीईओ हुने पहिलो नेपाली थिए ।

स्ट्यान्डर्ड चार्टर्ड राणाको नियुक्तिसँगै अब नेपालमा रहेको विदेशी बैंकहमध्ये नेपाल एसबिआई बैंकमा मात्रै विदेशी सीईओ छन् । यो बैंकको सीईओमा भारतीय नागरिक छन् ।

सन् १९८७ देखि नेपालमा सेवा दिँदै आएको स्ट्यान्डर्ड चार्टर्ड बैंक नेपालमा सुरुदेखि नै विदेशी व्यक्तिले सीईओको काम गर्दै आएका थिए । राणा अहिले चार्टर्डमा डेपुटी सीईओको रूपमा कार्यरत थिए । बैंकले उनलाई २०२५ को जनवरी १ देखि सीईओ नियुक्त गरेको हो ।

स्ट्यान्डर्ड चार्टर्ड समूहको दुईतिहाइभन्दा बढी सेयर रहेको बैंकमा बाँकी २९.७९ प्रतिशत सेयर नेपाली सर्वसाधारणको छ ।

ग्रुपको स्थानीयमा भर पर्नुपर्ने अवस्थामा नेपाली सीईओ हुँदा सहजाता हुने बैकिङ विज्ञ पशुराम कुवँर क्षेत्रको भनाइ छ । नेपाली सीईओ बन्दा कर्म्फट फिल हुने उनको भनाइ छ । २० वर्ष अगाडि सिकेको कुरालाई व्यवहारमा उतार्ने समय आएको उनले बताए ।

‘सीईओ भनेको सिनियर पद हो । स्ट्यान्डर्ड चार्टर्ड जस्तो बैंकले लोकल सीईओ नियुक्त गर्दा नेपालीहरुको बैंक प्रतिविश्वास पनि बढ्छ,’ उनले भने । स्थानीय सीईओ हुँदा लगानीका लागि पनि सहज हुने क्षेत्रीको भनाइ छ । ‘बाहिर गएर पनि नेपालीहरु काम गर्न सक्षम रहेका छन् भनेर बाहिरका बैंकहरुले पनि पत्याउने अवस्था सिर्जना भएको छ,’ उनले भने, ‘यो नेपालीहरुका लागि पनि खुसीको विषय हो ।’