काठमाडौं । गृह मन्त्रालयमा गृहसचिव गोकर्णमणि दुवाडीले मंगलबार बिहान नेपाल प्रहरीका प्रहरी महानिरीक्षक (आइजीपी) दीपक थापालाई दर्ज्यानी चिन्ह लगाइदिएका हुन्।
सोमबार मध्यरातिदेखि बसन्तबहादुर कुँवर अवकाशमा गएका छन्। उनी अवकाशमा जाने भएसँगै सोमबार बसेको मन्त्रिपरिषद्को बैठकले थापालाई आइजीपी नियुक्त गरेको हो। आइजीपी भएका थापा २०५२ भदौ १९ गते प्रहरी निरीक्षकबाट सेवामा प्रवेश गरेका हुन्।
उनी २०६३ भदौ ८ मा डिएसपी, २०७२ साउन ८ मा एसपी, २०७५ फागुन ६ गते एसएसपी र २०७९ असार १७ गते डिआइजी भएका थिए। उनी २०७९ चैत ६ गते उनी एआइजीमा बढुवा भएका थिए।
प्रतिक्रिया दिनुहोस्