काठमाडौं । एशियन लाइफ इन्स्योरेन्सको प्रमुख कार्यकारी अधिकृत (सीईओ) मा दिनेश लाल श्रेष्ठ दोहोरिने भएका छन् । कम्पनी सञ्चालक समितिले श्रेष्ठलाई थप चार वर्षका लागि पुनः सीईओमा नियुक्त गर्ने निर्णय गरेको हो ।

कम्पनीको मंसिर २५ गतेको सञ्चालक समितिको बैठकले श्रेष्ठलाई आगामी माघ १ गतेदेखि लागू हुने गरी पुनः सीईओमा नियुक्ति गर्ने निर्णय गरेको हो । श्रेष्ठको पहिलो कार्यकाल पुस मसान्तमा सकिँदैछ । २०७७ माघ १ गतेबाट कार्यभार सम्हालेका श्रेष्ठले अब थप ४ वर्ष एशियन लाइफमै रहेर २०८५ साल पुस मसान्तसम्म सीईओको जिम्मेवारी सम्हाल्नेछन् ।