काठमाडौं । दि ओरिएन्टल इन्स्योरेन्स कम्पनी लिमिटेडले सामाजिक उत्तरदायित्व अन्तर्गत नगद १० लाख रुपैयाँको आर्थिक सहयोग गरेको छ । आफनै नातेदार तथा अन्य ब्यक्तिहरु (हाडनाता) बाट बालात्कृत महिला तथा बालबालिकाहरुको उद्यार गृह ललितपूर स्थित अन्तरदृष्टी नेपाललाई पिडितहरुको पालन पोषण तथा अध्ययन अध्यापनका लागि सो सहयोग दिइएको हो ।

दि ओरिएन्टल इन्स्योरेन्स कम्पनीका नेपाल स्थित कार्यालयका प्रमुख कार्यकारी अधिकृत (सीईओ) टोटोन चक्रवर्तीले उक्त रकम बराबरको चेक हस्तान्तरण गरे । चेक हस्तान्तरण कार्यक्रमा बीमा कम्पनीका उप प्रमुख कार्यकारी अधिकृत सिरिसा मारुजोला तथा प्रबन्धक सूर्य कृष्ण मानन्धरको समेत उपस्थिती थियो । उक्त अवसरमा सीईओ चक्रवर्तीले पिडित महिला तथा बालबालिकाहरुको निस्वार्थ रुपमा उद्यार तथा जीवन यापनको कार्यमा सहयोग गर्दै आईरहेको सामाजिक संस्था अन्तरदृष्टी नेपालका सबै सदस्यहरुलाई हार्दिक धन्यवाद दिदै सानो प्रयास स्वरुप यो सहयोग उपलब्ध गर्न पाएकोमा खुशी ब्यक्त गरे ।