काठमाडौं । एनएमबि बैंकले बैंककै विद्यमान संस्थापक सेयरधनीहरूले मात्रै खरिद गर्न पाउने गरी ८६ हजार ७ सय ११ कित्ता संस्थापक सेयर बिक्रीमा राखेको छ।

उक्त सेयर किन्न इच्छुक विद्यमान संस्थापक सेयरधनीले आगामी ३५ दिनभित्र काठमाडौंको बबरमहलस्थित बैंकको कम्पनी सचिवको कार्यालयमा निवेदन दिनु पर्नेछ। सेयर खरिदकर्ता र बिक्रेताको आपसी समझदारीमा खरिदबिक्री गरिने छ।

साथै, तोकिएको समयसीमा भित्र संस्थापक सेयरधनीबाट सेयर खरिदका लागि आवेदन नपरेमा सो सेयर सर्वसाधारणलाई बिक्री गरिने बैंकले जानकारी दिएको छ।