काठमाडौं । टोयोटा हाइलक्सको गाडी नेपालमा सार्वजनिक भएको छ ।

भृकुटीमण्डपमा आजदेखि सुरू भएको नाइमा नेपाल मोबिलिटी एक्स्पो २०२६ को अवसर नयाँ हाइलक्स सार्वजनिक गरेको हो ।

नेपालका लागि टोयोटाको आधिकारिक बिक्रेता युनाइटेड ट्रेडर्स सिन्डिकेट प्रालिले नयाँ जेनेरेसन हाइलक्सको मूल्य १ करोड ५५ लाख रुपैयाँ निर्धारण गरेको छ।

यसको बाहिरी डिजाइन टोयोटा ल्याण्ड क्रुजरबाट प्रेरित ‘टफ एन्ड एजाइल’डिजाइन अवधारणामा आधारित छ ।

नयाँ हाइलक्समा २.८ लिटर डिजेल इन्जिन उपलब्ध छ । नयाँ हाइलक्सले एक टनसम्मको लोड बोक्न सक्ने तथा ३.५ टनसम्मको टोइङ क्षमता राख्ने बताइएको छ।

नेपालमा पिकअप सेग्मेन्टमा व्यवसायिक तथा व्यक्तिगत दुवै प्रयोजनका लागि हाइलक्सको माग रहँदै आएको छ।