काठमाडौं । दुई तिहाइ मत पाएको सरकार बनेपछि सेयर बजारले नयाँ गति लिन्छ भनेर बसेका लगानीकर्ता आज निरास बनेका छन् । नयाँ सरकार बनेपछिको पहिलो कारोबार दिनमा नै बजारमा पहिरो गएको छ ।
आइतबार बजार राताम्मे भएको छ । कारोबारको सुरुदेखि नै घटेको बजार अन्तिम समयसम्म कायमै रह्यो । बजार मापन गर्ने सूचक ७१.०५ अंकले घटेर परिसूचक २८७९.११ बिन्दु कायम भएको छ ।
३३३ कम्पनीको कारोबारमा ३ करोड ५२ लाख ४८ हजार ३९७ कित्ता सेयर १५ अर्ब ३ करोड ३३ लाख १० हजार ८६७ रुपैयाँको कारोबार भएको छ ।
कारोबारमा सबै समूहको उपसूचक राताम्मे भएका छन् ।
प्रतिक्रिया दिनुहोस्