काठमाडौं । पछिल्लो पहिलो महँगी बढ्दो अवस्थामा रहेको नेपाल राष्ट्र बैंकले सार्वजनिक गरेको देशको वर्तमान आर्थिक तथा वित्तीय स्थितिले देखाएको छ। राष्ट्र बैंकले सार्वजनिक गरेको उक्त तथ्यांक अनुसार चालु आर्थिक वर्षको चैत मसान्तसम्म आउँदा वार्षिक विन्दुगत उपभोक्ता मुद्रास्फीति ४.४७ प्रतिशत पुगेको छ । गत फागुन महिनामा वार्षिक विन्दुगत उपभोक्ता मुद्रास्फीति ३.६२ प्रतिशतमात्र रहेको थियो। एक महिनामा वार्षिक विन्दुगत उपभोक्ता मुद्रास्फीति ०.८५ प्रतिशतले बढेको हो ।
यसैगरी, अघिल्लो वर्षको सोही महिनामा यस्तो मुद्रास्फीति ३.३९ प्रतिशत रहेको थियो । चैत महिनामा खाद्य तथा पेय पदार्थ समूहको मुद्रास्फीति ४.०१ प्रतिशत रहेको छ भने गैर–खाद्य तथा सेवा समूहको मुद्रास्फीति ४.७२ प्रतिशत रहेको छ । अघिल्लो वर्षको सोही अवधिमा यी समूहहरूको मुद्रास्फीति क्रमशः २.४५ प्रतिशत र ३.९० प्रतिशत रहेको थियो ।
आर्थिक वर्ष २०८२÷८३ को नौ महिनाको औसत मुदास्फीति २.३९ प्रतिशत रहेको छ । अघिल्लो वर्षको सोही अवधिको औसत मुद्रास्फीति ४.५७ प्रतिशत रहेको थियो । समीक्षा महिनामा खाद्य तथा पेय पदार्थ समूहअन्तर्गत घ्यू तथा तेल उप–समूहको वार्षिक विन्दुगत उपभोक्ता मूल्य सूचकाङ्क १२.८७ प्रतिशत, फलफूलको ११.६७ प्रतिशत, तरकारीको ९.१८ प्रतिशतले बढेको छ । दाल तथा गेडागुडी उप–समूहको वार्षिक विन्दुगत उपभोक्ता मूल्य सूचकाङ्क २.७८ प्रतिशत, खाद्य तथा खाद्यजन्य पदार्थको१.६८ प्रतिशत र मरमसलाको१.६४ प्रतिशतलेघटेको छ ।
गैर–खाद्य तथा सेवा समूहअन्तर्गत विविध वस्तु तथा सेवा उप–समूहको वार्षिक विन्दुगत उपभोक्ता मूल्य सूचकाङ्क १९.९४ प्रतिशत, यातायातको १२.०३ प्रतिशत, शिक्षाको ७.४६ प्रतिशत, मदिराजन्य पेय पदार्थको ४.७७ प्रतिशत र कपडा तथा जुत्ताचप्पलको ४.७३ प्रतिशतलेबढेको छ ।
चैत महिनासम्म ग्रामीण क्षेत्रको वार्षिक विन्दुगत उपभोक्ता मूल्य सूचकाङ्क ३.७१ प्रतिशतले र सहरी क्षेत्रको वार्षिक विन्दुगत उपभोक्ता मूल्य सूचकाङ्क ४.७४ प्रतिशतले बढेको छ ।
प्रदेशगत रूपमा समीक्षा महिनामा कोशी प्रदेशको वार्षिक विन्दुगत उपभोक्ता मुद्रास्फीति ४.९८ प्रतिशत, मधेश प्रदेशको ४.९१ प्रतिशत, बागमती प्रदेशको ४.२० प्रतिशत, गण्डकी प्रदेशको३.८५ प्रतिशत, लुम्बिनी प्रदेशको ५.१५ प्रतिशत, कर्णाली प्रदेशको ३.८२ प्रतिशत र सुदूरपश्चिम प्रदेशको ३.३९ प्रतिशत रहेको छ ।
समीक्षा महिनामा काठमाडौं उपत्यकाको वार्षिक विन्दुगत उपभोक्ता मुद्रास्फीति ४.६९ प्रतिशत, तराईको ४.८३ प्रतिशत, पहाडको ४.१८ प्रतिशत र हिमालको ३.२० प्रतिशत रहेको छ ।
प्रतिक्रिया दिनुहोस्