काठमाडौं । साताको अन्तिम कारोबार दिन शुक्रबार सेयर बजार सामान्य अंकले घटेर बन्द भएको छ । शुक्रबार सेयर बजार मापक नेप्से परिसूचक १.१३ अंक घटेर २६००.७८ विन्दुमा झरेको छ।
सेयर बजार घटेको भएका पनि आज कारोबार रकम भने बढेको छ। बिहीबार ४ अर्ब ६१ करोड रुपैयाँ बराबरको सेयर कारोबार भएको बजारमा आज ६ अर्ब ८६ करोड ७ लाख १८ हजार रुपैयाँ बराबरको सेयर कारोबार भएको छ ।
आज कारोबारमा आएको १३ उपसमूहमध्ये आज ६ उपसमूहको परिसूचक बढेको छ । बाँकी ७ उपसमूहको परिसूचक घटेको छ।
आज आत्मनिर्भर लघुवित्त वित्तीय संस्थाको सेयरमूल्य आज सबैभन्दा धेरै १०.६६ प्रतिशत बढेको छ। यसैगरी, आज कुमारी इक्विटी फण्डको इकाईमूल्य ९ प्रतिशत बढेको छ ।
कारोबार रकममा आधारमा आज उच्च स्थानमा नेपाल बैंकको ‘८.५ प्रतिशत नेपाल बैंक डिबेञ्चर २०८७’ उच्च स्थानमा रहेको छ। यो ऋणपत्रको आज ९० करोड रुपैयाँ बराबरको कारोबार भएको छ । यसैगरी, ६९ करोड ८५ लाख रुपैयाँ बराबरको ‘८.५ प्रतिशत आरबिबिएल डिबेञ्चर २०८३’ किनबेच भएको छ।
प्रतिक्रिया दिनुहोस्