काठमाडौं । नेपालको डिजिटल रूपान्तरणको यात्रामा नयाँ पुस्ताका उदीयमान प्रतिभाहरूले नेतृत्व लिन थालेका छन् । यसै क्रममा, एक प्रखर बाल आविष्कारक एवं कोडर प्रविधि अधिकारी प्रतिष्ठित ‘योङ्ग साइन्टिस्ट प्रोग्राम’मा आबद्ध भएकी छिन् ।

यो यस्तो मञ्च हो जहाँ बालबालिकाको जिज्ञासालाई रचनात्मकतामा ढाल्दै वास्तविक संसारका प्राविधिक समस्या समाधान गर्न सक्षम बनाइन्छ ।

प्रविधिले प्रविधिको क्षेत्रमा रहेका परम्परागत सामाजिक घेराहरूलाई तोड्दै अन्य कोडर छात्राहरूका लागि समेत एउटा बलियो प्रेरणाको स्रोत खडा गरेको छ । कोडिङ, गेम डेभलपमेन्ट, समस्या समाधान गर्ने क्षमता र सामूहिक सहकार्यका माध्यमबाट यस कार्यक्रमले विद्यार्थीहरूमा भविष्यका लागि आवश्यक प्राविधिक सीप र आत्मविश्वास विकास गराउँदै आएको छ ।

नेपाली बालबालिकालाई अन्तर्राष्ट्रिय स्तरको प्रविधि शिक्षा प्रदान गर्न दुरशिक्षा एजुकेसन नेटवर्कले खेलेको भूमिकाको प्रशंसायोग्य रहेको बताइन्छ । दुरशिक्षाले अमेरिकाको सबैभन्दा पुरानो र प्रतिष्ठित प्रविधि अनुसन्धान तथा प्रमाणीकरण संस्था एसटीएमई सँगको साझेदारीमा विश्वस्तरीय शिक्षण विधि नेपाल भित्र्याएको छ ।

एसटीएमई जस्ता विश्वस्तरीय पाठ्यक्रमको प्रयोगले दुरशिक्षा जस्ता मञ्चहरूले नेपाली युवा मस्तिष्कलाई विश्व मानचित्रमा प्रस्तुत गर्न सफल भएका छन् । यसले हाम्रा बालबालिका विश्व बजारमा प्रतिस्पर्धा गर्न योग्य छन् भन्ने सावित गर्दछ ।

यस्ता दुरगामी अभियानहरूका कारण प्रविधि अधिकारी जस्ता बाल आविष्कारकहरू केवल कोड लेख्न मात्र सिकिरहेका छैनन्, बरु एक समृद्ध र डिजिटल नेपालको बलियो जग निर्माण गर्दैछन् ।