काठमाडौं । आइतबार सिटी होटल लिमिटेड र शुभम पावर लिमिटेडको सेयर मूल्यमा सकारात्मक सर्किट लागेको छ । सेयर कारोबार हुने साताको पहिलो दिनको कारोबार भइरहँदा सिटी होटल लिमिटेड र शुभम पावरको सेयर मूल्यमा १० प्रतिशतको वृद्धि भएको हो ।
दिउँसो सावा २ बजेको कारोबार भइरहँदा सिटी होटल र शुभम पावरको सेयर मूल्य अघिल्लो दिनको कारोबार भन्दा १० प्रतिशतले बढेर सकारात्मक सर्किट लागेको हो । सिटी होटलको सेयर मूल्य ६४ रुपैयाँ ८० पैसाले बढेर ७ सय १२ रुपैैयाँ ८० पैसा पुगेको छ । त्यस्तै शुभम पावर लिमिटेडको सेयर मूल्य ७२ रुपैयाँले बढेर ७९२ रुपैयाँ पुगेको हो ।
प्रतिक्रिया दिनुहोस्