काठमाडौं । नेपालका लागि रिडारा, डायुन, एक्सपेङ र आयोन इलेक्ट्रिक सवारी साधनको एक मात्र आधिकारिक विक्रेता सी.जी. मोटर्सले चितवन, भरतपुर बालमन्दिरमा मल्टि–ब्राण्ड आउटलेट सञ्चालनमा ल्याएको छ ।

यहाँ एउटै छानामुनी चार वटा विश्वप्रसिद्ध सवारी ब्राण्डका अत्याधुनिक मोबिलिटी समाधानको अनुभव लिन सक्नेछन् । यसबाट उपत्यका बाहिर पनि नविन विद्युतीय सवारी साधनहरुको पहुँच विस्तार गर्ने सी.जी. मोटर्स को प्रतिबद्धतालाई थप बल प्रदान गरेको छ । यो विस्तारले नेपालमा स्मार्ट, दिगोे र प्रभावकारी मोबिलिटी समाधान तर्फ बढीरहेको यात्राको महत्वपूर्ण कदम हो ।

कार्यक्रममा उद्योग वाणिज्य संघ चितवनका अध्यक्ष चिरन्जीवी सुवेदीले सी.जी. मोटर्स प्रा.लि.ले उपत्यका बाहिर पनि विद्युतीय सवारी साधनहरुको विस्तारमा योगदान पुर्याएकोमा सी.जी. मोटर्सलाई धन्यवाद दिए ।
ग्राहक केन्द्रित अवधारणामा निर्माण गरिएको यस आउटलेटले सवारी अवलोकन, व्यक्तिगत परामर्श, टेस्ट ड्राईभ तथा विक्रीपछिको सेवा सहित सहज र व्यवस्थित ग्राहक सेवा प्रदान गर्नेछ । सी.जी.मोटर्स ले गुणस्तरीय सेवा र दिर्घकालीन ग्राहक सम्बन्ध निर्माणलाई निरन्तर प्राथमिकता दिएकोमा कार्यक्रमका प्रमुख अतिथी चितवन ओटोमोवाईल डिलर एशोसियनका अध्यक्ष इन्द्र कार्कीद्धारा सी.जी. मोर्टसलाई विशेष धन्यवाद साथ आगामी दिनहरुमा समेत सी.जी. मोटर्स ले अन्य क्षेत्रहरुमा पनि आफ्नो सेवालाई विस्तार गर्नेमा विस्वास व्यक्त गरे ।

साथै कार्यक्रममा भरतपुर महानगरपालिका वडा नं. १० का वडा अध्यक्ष परमेश्वर खनालले सी.जी. मोटर्सले भरतपुरमा सोरुम स्थापना गरेकोमा खुशी व्यक्त गरे  ।

कार्यक्रममा नबिल वैंक कस्टर हेड टोप प्रसाद अगस्तीले विद्युती सवारी साधनको वढ्दो मागलाई ध्यानमा राख्दै यी सवारी साधन खरिदमा नविल बैंकले ग्राहकहरुलाई वैंकिङ कर्जामा समेत सुलभ र सहज सेवा प्रदान गर्नेमा ढुक्क रहनको लागि विश्वास दिलाए ।

देशैभर फैलिएको २६० भन्दा बढी चार्जिङ स्टेसनको नेटवर्क मार्फत सी.जी. मोटर्सले ग्राहकहरुको विश्वासलाई अझ मजबुद बनाउँदै सहजता, पहुँच र भरपर्दो चाजिङ सुविधा सुनिश्चितता प्रदान गदै आईरहेको छ । चार्जिङ पुर्वाधारले सी.जी. मोटर्सलाई नेपालको सबै भन्दा विश्वसनिय र भरपर्दो ई.भी. प्रदायक कम्पनीको रुपमा स्थापित गरिएको सी.जी. मोटर्सका सहायक महाप्रबन्धक कञ्चन सिलवालले बताए ।

करिब १५० ग्राहकहरुको सहभागिता रहेको उक्त कार्यक्रममा नयाँ सवारी साधन खरिदकर्ताहरुलाई सवारी साधनको साँचो हस्तान्तरण गरिएको थियो । सी.जी.मोटर्सले उपत्यकता वाहिर पनि आफ्नो शाखा विस्तार जारी राख्ने छ । यस अघि गण्डकी प्रदेशको राजधानी पोखरामा सी.जी. मोटर्सको मल्टिब्राण्ड आउटलेट सञ्चालनमा आइसकेको छ ।