काठमाडौं । नेपाल इन्भेष्टमेण्ट मेगा बैंकले बिहीबारदेखि काठमाडौंमा २ वटा नयाँ शाखा विस्तार गरेको छ ।
बैंकले काठमाडौं महानगरपालिका–१५ मा स्वयम्भू शाखा र काठमाडौं महानगरपालिका–१६ मा बालाजु शाखा सञ्चालनमा ल्याएकोे हो । बैंकका प्रमुख कार्यकारी अधिकृत ज्योति प्रकाश पाण्डेले नयाँ शाखाहरुको उद्घाटन गरे ।
कार्यक्रममा सीइओ पाण्डेले नयाँ शाखाहरुबाट ग्राहकहरुलाई उत्कृष्ट बैंकिङ सेवा तथा सुविधाहरु दिने बताए । बैंकले गत महिना काठमाडौंमा अनामनगर र शंखमूल तथा ललितपुरमा सातदोबाटो र भैंसेपाटी शाखाहरु सञ्चालनमा ल्याएकोे थियो ।
बैंकले हाल देशभरिमा २ सय ६८ शाखा, ६३ वटा एक्सटेन्सन काउन्टर, १ सय १३ वटा शाखा रहित बैंकिङ र २६२ वटा एटीएम मार्फत सेवा प्रदान गरिरहेको छ ।
प्रतिक्रिया दिनुहोस्