काठमाडौं । यो साताको पहिलो कारोबार दिन सेयर बजार परिसूचक भारी अंकले घटेको छ । कारोबार हुने पहिलो दिन आइतबार सेयर बजार परिसूचक ५३ दशमलव ६३ अंकले घटेको हो ।

आज अघिल्लो कारोबार दिन (बिहीबार) को भन्दा सेयर बजार परिसूचक १.९५ प्रतिशतले घटेको हो । आइतबार सेयर बजार परिसूचक २७०० विन्दुभन्दा तल झरेको छ । आजको कारोबार बन्द हुँदा नेप्से २६९५ दशमलव ९३ विन्दुमा झरेको छ । केही दिनदेखि लगातार रुपमा सेयर बजारमा गिरावट आइरहेको छ ।

आज सेयर बजारमा कारोबार भएका कम्पनी मध्ये २०९ कम्पनीको सेयर मूल्य घटेको छ । त्यस्तै ३१ वटा कम्पनीको सेयर मूल्य बढ्दा ४ कम्पनीको सेयर मूल्य स्थिर रहेको छ ।

आज नेप्सेसँगै कारोबार रकममा पनि भारी गिरवाट आएको छ । आज सेयर बजारमा १० अर्ब भन्दा बढीको मात्रै कारोबार भएको छ । आज नेप्सेमा ३३७ कम्पनीका २ करोड ६२ लाख ४६ हजार ४३५ कित्ता सेयर १ लाख ३० हजार ६३२ पटक खरिद बिक्री हुँदा १० अर्ब ५१ करोड ७६ लाख ८२ हजार ३४९ रुपैयाँको कारोबार भएको छ ।

त्यस्तै आज ‘क’ वर्गका कम्पनीको मापक सेन्सेटिभ इन्डेक्स पनि ८ दशकलव ९१ अंकले घटेर ४८० दशमलव ८८ विन्दुमा पुगेको छ । आज सेयर बजारमा म्युच्युअल फण्डबाहेक सबै उपसूचकको सेयर मूल्यमा गिरावट आएको छ ।

आजको कारोबार बन्द हुँदा तीन कम्पनीको सेयर मूल्यमा नकारात्मक सर्किट लागेको छ भने एउटा कम्पनीको सेयर मूल्यमा नकारात्मक सर्किट लागेको छ ।