काठमाडौं । नेपाल एसबीआई बैंक लिमिटेडले आफ्ना सेयरधनीलाई आर्थिक वर्ष २०७५/७६ को मुनाफाबाट पारित नगद लाभांश लिन आग्रह गरेको छ । बैंकले २०७६ मंसिर २९ गते सम्पन्न २६ औं वार्षिक साधारणसभाबाट पारित १०.८४ प्रतिशत नगद लाभांश बुझिलिन आग्रह गरेको हो ।
बैंकले सेयरधनीहरूलाई लाभांश प्राप्त गर्न डिम्याट खातामा बैंक खाता विवरण अद्यावधिक गर्न पनि भनेको छ । यसका लागि सेयरधनीले एक महीनाभित्र आफ्नो बैंक खाता नम्बर, नागरिकता र अन्य आवश्यक कागजातहरू तयार गरी नेपाल एसबीआई मर्चेन्ट बैंकिङ लिमिटेडको कार्यालयमा सम्पर्क गर्नु पर्नेछ ।
अन्यथा सो लाभांश रकम ‘कम्पनी ऐन २०६३’ को दफा १८२ बमोजिम लगानीकर्ता संरक्षण कोषमा जम्मा गरिने बैंकले जनाएको छ।
प्रतिक्रिया दिनुहोस्