काठमाडौं । काठमाडौंबाट प्रहरीले रक्तचन्दनसहित दुई जनालाई बुधबार बिहानै काडाँघारीबाट पक्राउ गरेको छ ।
सिन्धुपाल्चोकका दुई जनालाई प्रहरीको उपत्यका अपराध अनुसन्धान कार्यालयको टोलीले रक्तचन्दन तस्करीमा संलग्न रहेको आरोपमा पक्राउ गरेको हो ।
प्रहरीका अनुसार, काठमाडौंको काडाँघारीबाट रक्तचन्दन बरामद गरिएको हो । आज बिहानै प्रहरीले बोरामा प्याक गरेर ल्याइएको रक्तचन्दन बरामद गरेको स्रोतले जनाएको छ ।
स्रोतका अनुसार, बरामद गरिएको रक्तचन्दनको तौल २०० किलोभन्दा धेरै छ । लामो समय रक्तचन्दनको तस्करी रोकिएको थियो ।
प्रतिक्रिया दिनुहोस्