काठमाडौं । संघीय संसद अन्तर्गतको अर्थ समितिले बैंक तथा वित्तीय संस्थासम्बन्धी ऐन, २०७३ (बाफिया) पुनर्लेखनका लागि सुझाव माग गरेको छ ।

समितिले नेपाल राष्ट्र बैंक र कानून न्याय तथा संसदीय मामिला मन्त्रालयको समन्वयमा ५ दिनभित्र सुझाव पेस गर्न अर्थ मन्त्रालयलाई बिहीबार निर्देशन दिएको हो ।

यसअघि जेठ १९ गते बसेको बैठकमा बैंक तथा वित्तीय संस्थासम्बन्धी ऐन, २०७३ लाई संशोधन गर्न बनेको विधेयकका सम्बन्धमा नेपाल राष्ट्र बैंकका गभर्नर, अर्थ एवं कानून मन्त्रालायका प्रतिनिधिहरूसँग छलफल भएको थियो ।

https://laganinews.com/2025/05/27/66414/

समितिले यसअघि विषय विज्ञ एवं सरोकारवालाहरुको छलफलमा विधेयक पुनर्लेखन गर्नुपर्ने भनी सुझाव प्राप्त भएको जानकारी गराएको छ । उक्त सुझाव जस्तै पुनर्लेखन आवश्यकता रहे वा नरहेको र आवश्यकता भएमा परिमार्जन गर्नुपर्ने दफाहरू र परिमार्जन गर्नुपर्ने व्यहोरा समेत स्पष्ट खुल्ने गरी माग गरेको छ ।

सुझाव दफावार रूपमा नेपाल राष्ट्र बैंक र कानून न्याय तथा संसदीय मामिला मन्त्रालयको समन्वयमा ५ दिनभित्र पेस गर्न भनेको छ ।

https://laganinews.com/2025/06/02/67438/