काठमाडौं । बैंक तथा वित्तीय संस्थाको ऋण नतिर्ने आन्दोलन चलाएका दुर्गा प्रसाइँ बैंक चाहिएको भन्दै बैंकको शरणमा पुगेका छन् ।
सोमबार प्रसाइँले आफूले ऋण लिएका बैंक तथा वित्तीय संस्थाका प्रतिनिधिसँग थप ऋण माग्नको लागि छलफल गरेका थिए ।
प्रसाइँको मेडिकल कलेजलाई मेडिकल कलेज सञ्चालनको अनुमति दिनको लागि अदालतले फैसला सुनाएको छ ।
अदालतको फैसलापछि मेडिकल कलेज सञ्चालन गर्ने बैंकको ऋण तिर्ने प्रतिक्रिया प्रसाइँले दिएका थिए ।
प्रसाइँले झापामा सञ्चालन गर्ने भनेको मेडिकल कलेज र क्यान्सर अस्पतालको लागि बैंक तथा वित्तीय संस्थाले ६ अर्ब ऋण दिएका छन् ।
ग्लोबल आइएमई बैंक, कुमारी बैंक, प्रभु बैंक, नबिल बैंक, नेपाल इन्भेष्टमेन्ट मेगा बैंक, राष्ट्रिय वाणिज्य बैंक, लुम्बिनी विकास बैंक र गुडविल फाइनान्सले प्रसाईँसँग करिव ६ अर्ब छ ।
प्रसाइँले मेकिडल कलेज सञ्चालन र क्यान्सर अस्पताल सञ्चालनको लागि उपकरण आयातको लागि एलसी खोल्न माग गरेका हुन् ।
सोमबार प्रसाइँसँग छलफलमा बसेका बैंकरहरु थप ऋण दिने पक्षमा भने छैनन् ।
“बैंकबाट ऋण दियो अनि बैंकलाई गाली गर्ने प्रसाइँलाई ऋण दिनेमा सहमत हुन सकिन्छ,”एक बैंकरले भने,“तर,प्रसाइँ बाहेक अन्य सञ्चालक आएर व्यवसायिक योजना बनाएमा ऋण नदिने भन्ने हुँदैन।”
प्रतिक्रिया दिनुहोस्